annonse

Mildvêr og lågare straumprisar

MYKJE REGN
MYKJE REGN: Det er meld gråvêr og nedbør i helga (Foto: NILS-TORE SELE/ILLUSTRASJON)

Dei neste dagane blir det mildt og fint vêr ifølgje Meteorologisk institutt. Samstundes melder Energi Norge om straumpris på veg ned.

Håvard Hammarstrøm

Dei siste dagane har det vore eit par plussgrader på dagtid, men no skal dagtemperaturen opp. Vêrmeldingane tyder på temperaturane på dagtid kan bli rundt åtte grader i midten av denne veka, og rundt seks grader når det nærmar seg helg. Langtidsvarselet tyder i skrivande stund på opphald og ganske fint vêr dei neste dagane. Mot slutten av helga er det igjen venta nedbør, så me får nyte finvêret så lenge me kan.

Straumpris på veg ned

Ei anna gladnyhending på ein måndag er at straumprisen har gått ned den siste tida. Det har i vinter vore høge straumprisar, men tilhøyrande høge straumrekningar. I januar låg prisen på om lag 50 øre kilowattimen. I helga kunne Energi Norge melde om den lågaste straumprisen til no i år. Då var prisen pr. kilowattime 46 øre på kraftbørsen Nord Pool.

Årsaka til lågare straumpris skal vera det milde vêret som reduserer straumbruken i tillegg til nedbør og bra med vindkraft frå danske vinkraftverk. Prisen er likevel høgare enn på same tid i fjor.

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på bomlo-nytt.no. Falske profiler blir utestengde. Ver sakleg og vis respekt når du kommenterer.