Enno eit nytt smittetilfelle

Tysdag blei det registrert eit nytt smittetilfelle. Det betyr at det har blitt registrert totalt 16 koronasmitta personar på Bømlo i perioden 16. desember til 29. desember.

– Vedkommande er nærkontakt til person som tidlegare har fått påvist smitte, og har vore i karantene, skriv Bømlo kommune om det siste smittetilfellet.

Ifølgje smittevernlege Kjersti Follesø har vedkommande ikkje blitt testa på Bømlo.

– Vedkommande er busett på Bømlo, men har ikkje testa seg her. Me fekk melding om det positive prøvesvaret i dag.

Kommunen ventar framleis svar på prøvar teke måndag.