Han og kjærasten jobbar og studerer der, og han ser for seg at han blir der nokre år, fortel den talentfulle fotballspelaren til Bømlo-nytt.

Mest praktiske årsaker

– Er det mest praktiske årsaker til at du har meld overgang til Randaberg?

– Ja, det er det, og så har også Vegard gått tilbake til Randaberg, seier Benjamin Brekke Munkvold.

Vegard Meling Nesse har vore utlånt frå Randaberg, og har spelt på Bremnes fram til no, men no er han gått attende til Randaberg, sidan han også bur der.

Ein til som har flytta

– Er det fleire som har meld overgang i frå Bremnes?

– Nei, ikkje som eg veit, men eg veit om ein til som har flytta, så det kan jo kanskje bli ein til eller to til.

– Så det er ikkje andre grunnar som ligg bak?

– Nei, men eg ville kanskje vurdert å halde fram på Bremnes om Geirmund Brendesæter og Magnar Aaland framleis var trenarar, seier Munkvold, men påpeikar at han absolutt ikkje har noko imot den nye trenaren.

– Korleis likar du deg i 4. divisjonsklubben, Randaberg?

– Det er bra miljø der, og fleire gode spelarar. Dei styrkar stallen sin litt også, så det blir spennande og kjekt å vere med der, avsluttar Munkvold.