NØGD: Geirmund Brendesæter har all grunn til å klappa i hendene, når Bremnes 21.mars møter Stord på heimebane i cupkvalifiseringa. Alt ligg an til ein spennande kamp. Arkivfoto Foto: Nils-Tore Sele

Møter Stord i cupen

– Dette kan bli ein rysare av ein kamp, seier BIL-trenar Geirmund Brendesæter.

21.mars tek Bremnes sitt a-lag for menn mot Stord i kvalifiseringa til cupen. Bremnes har fordel av heimebane. Trenar Geirmund Brendesæter har på mange måtar grunn til å gni seg i nevane, og det legg han ikkje skjul på heller.

Det ligg an til noko som kan bli ein tett og jamn batalje på fotballbanen. Eit skikkeleg prestisjeoppgjer. Ein stordskalp i beltet, vil hengja høgt for Bremnes.

Håpar på folkefest

– Eg trur at dette blir folkefest og stor stemning. Her kan det fort blir meir enn 500 tilskodarar, seier Brendesæter.

Stord er storebror i sunnhordlandsfotballen med sitt lag i 3.divisjon. Bremnes ligg i 4.divisjon, men har som uttalt ambisjon å rykka opp til 3.divisjon etter 2020-sesongen.

– Kan de klara å knekkja storebror på heimebane?

– Dette blir ein rysare av ein kamp i lokalfotballen i Sunnhordland. Det blir kjekt! meiner Brendesæter.

Travel vinter

Bremnes har for øvrig lagt opp til eit ganske travelt løp med treningskampar i vinterfør det spennande cupoppgjeret.

25.januar møter dei Osterøy. 8.februar står Fana for tur, før laget også denne vinteren spelar på Karmøy Cup. Første cuprunde på Karmøy er 15. og 16. februar. Andre runde i denne cupen er 29. februar.

Den 6.mars er det ny treningskamp. Denne gongen mot Halsnøy, så mot Djerv 1919 14.mars. Så kjem første kamp i cupkvalifiseringa. Andre kamp i cupkvalifiseringa går 4. april.

Så, 19. april er det seriestart for i år.