Ting vi ikkje gjer lenger:
- Legg ein mynt i venstre såle skjærtorsdagsnatt for å drøyme om han vi skal gifte oss med.
- Unngår øks, kniv og strikkepinnar skjærtorsdag. Øks og kniv fordi Jesu kors skal ha vorte skåren på denne dagen, medan strikkepinnane minna om lansene som Jesus vart stukken med.
- Døyper og namngir namnlause husdyr på skjærtorsdag.
- Set ut sopelimen skjærtorsdag så hekser på veg til Bloksberg ikkje skal ta med seg ein hest, ku eller geit frå garden.
- Et så dårleg og tarveleg mat som mogleg på langfredag for å pine oss sjølv til minne om Jesu liding.
- Risar folk og fe med langfredagsriset. Dyra fekk juling og menneska fekk nokre rapp, alle skulle kjenne smerte.
- Feirar påskehelga med kraftige skotsalver frå pistolar og børsar. Det skal ha vore vern mot hekser og trollpakk som var ekstra farlege og aktiv påskeaftan.
- Går med dei same kleda i heile fastetida - 40 dagar - og tek først på reine klede påskemorgon.
- Plasserer egg mellom brysta. Det var noko unge gifteferdige jenter i Ryfylke gjorde påskemorgon, der meininga var at gutane skulle prøve å få tak i egget.
Ting veldig få gjer:
- Fastar og gjer bot før påske til minne om Jesu 40 dagar i ørkenen.
- Ber sørgjeklede på langfredag.
- Flaggar på halv stong langfredag. 1. påskedag er likevel enno offisiell flaggdag.
- Går opp på ein fjelltopp tidleg påskemorgon for å sjå «sola danse» i glede over Jesus oppstode.
Ting nokon gjer framleis:
- Går i kyrkja. Det siste tiåret er det stadig færre som går i kyrkja generelt, og til påskegudsteneste er det berre halvparten så mange som på ein vanleg søndag.
- Spelar brettspel.
- Pyntar egg, fyller påskeegg med godteri og har eggjakt.
- Arrangerer påskeskirenn.
- Avsender påskekort.
- Pyntar seg påskedagen.
- Drikk Solo.
- Dreg på shoppingtur til Sverige.
Ting mange gjer:
- Pyntar med gult, kyllingar, gåsungar, tulipanar og påskeliljer.
- Et egg, lam, klementinar, appelsinar, marsipan og Kvikk Lunsj.
- Trur at alle andre dreg til fjells, går på ski, drikk kakao og har ein perfekt påskeferie. Men det er faktisk ikkje meir enn rundt halvparten av oss som i det heile har påskeferie, mange held til heime, og viss vi har hytte, er ho ikkje alltid på fjellet eller med skiføre.
- Les krimbøker og ser / høyrer på påskekrim.
- Ser på påskenøtter på TV.
Kjelder: «Påskefeiring i Norge» av Ørnulf Hodne (2018), katolsk.no, Statistisk sentralbyrå, Mondelez, Ringnes, Bama, Nidar, NHO og Kampanje
(© NPK)